Մի՞ս, թե՞` բուսակերություն

Մեծ Բրիտանիայի և Նոր Զելանդիայիգիտնականները հետաքրքիր տվյալներ են ստացել քաղցկեղի զարգացման հաճախականության վերաբերյալ: Նախկինում կարծում էին թե իրենց սննդաբաժնից միսը բացառած մարդիկ  ավելի հազվադեպ են տառապում ուռուցքաբանական հիվանդություններով:

Պարզվել է, որ դա այնքան էլ ճիշտ չէ: 60 հազարից ավելի մարդու կյանքի պատմությունն ուսումնասիրելուց հետոգիտնականները հանգել են եզրակացության, որ բուսակերները, ճիշտ է, հազվադեպ են հիվանդանում ստամոքսի, միզապարկի քաղցկեղով և լեյկոզով: Սակայն արգանդի վզիկի քաղցկեղով հիվանդանալու հավանականությունը նրանց մոտ երկու անգամ ավելի բարձր է, քան մսեղենըգերադասող մարդկանց մոտ: 

«Տագնապային» ստամոքս

Իրկուտսկիգիտնականները սահմանել են, որ գաստրոէնթերոլոգիական բաժանմունքում հիվանդների ուղիղ կեսը  կամ տագնապային կամ դեպրեսիվ վիճակում է: Հետաքրքիրն այն է, որ ենթաստամոքսայինգեղձի և ստամոքսի հիվանդություններով մարդկանց մոտ հաճախ է տագնապայնություն արձանագրվում: Իսկ լյարդի և աղիների հիվանդություններով մարդիկ ավելի շատ դեպրեսիաների հանդեպ հակում ունեն: Իսկ տագնապայնության և դեպրեսիաների դեմ դեղամիջոցները նշանակալիորեն ավելացնում են  մարսողական համակարգի օրգանների լավ աշխատելու հավանականությունը: 

Այս կապակցությամբ բժիշկները խորհուրդ են տալիս խոցեր և հեպատիտներ ունեցող մարդկանց հոգեթերապևտի մոտ ստուգել իրենց հոգեբանական վիճակը և, անհրաժեշտության դեպքում, բուժման կուրս ընդունել: 

Հակախոցային յոգուրտ 

Ճապոնացիգիտնականները յոգուրտ են ստեղծել, որը կանխարգելում է  հելիկոբակտերիայով վարակումը և օգնում է պայքարել դրա դեմ: Առաջին կլինիկական փորձարկումները հուսալի արդյունք են տվել: Նոր արտադրանքն արդեն կա վաճառքում Ճապոնիայում և Կորեայում: Շուտով սպասվում է, որ կլինի Ռուսաստանում և ԱՄՆ-ում:

Պրոբիոտիկներ բրոնխների համար

Բրոնխային ասթմայի դեպքում պրոբիոտիկների արդյունավետության մասին նոր տվյալներ են ստացել Ռյազանիգիտնականները: 

Պարզվում է, բրոնխային ասթման հաճախ ուղեկցվում է դիսբակտերիոզով: Եթե բուժման սխեմայի մեջ ներառվեն պրոբիոտիկները, որոնք աղիքային օգտակար միկրոֆլորա են պարունակում, ապա բրոնխային ասթմայի նոպաները ավելի քիչ կլինեն:

Հիվանդները նշում են նվազեցման և ալերգիայի այլ դրսևորումների` էկզեմայի և ալերգիկ հարբուխի բացակայության մասին: 

Վիտամին կոլիտի դեմ

Խոցային կոլիտի բուժման նոր մեթոդ են ստեղծել ասիացիգիտնականները: Նրանք կոլիտի թեթև տեսակներով հիվանդներին առաջարկում են հեղուկ վիտամին E-ի կիրառությունը, որն անհրաժեշտ է ներմուծել ուղիղ աղու մեջ: Նոր սխեմայով բուժման առաջին փորձերը հիանալի արդյունք են տվել: Գիտնականները հուսով են, որ շուտով այս մեթոդը լայն կիրառության կգտնի, քանի որ այն նյութական լուրջ ծախսեր չի պահանջում և կողմնակի արդյունքներ չունի:

Դիաբետ + փքվածություն

Ստավրոպոլիգիտնականները պարզել են, որ շաքարային դիաբետի դեպքում շատ հաճախ է հանդիպում բարակ աղիում մանրէների ավելորդ աճի երևույթը: Մանրէները տեղակայվում են աղիներում իրենց համար ոչ բնորոշ հատվածներում` ցավ և որովայնի փքվածություն առաջացնելով:  Աղիքային հակաբիոտիկների և ֆերմենտային պատրաստուկների նշանակումը հանգեցնում է վիճակի լավացման հիվանդների 80%-ի մոտ:

Բժիշկները շաքարախտով հիվանդներին խորհուրդ են տալիս աղիներում անհարմարավետության զգացում ունենալիս ինքնաբուժությամբ չզբաղվել, այլ դիմելգաստրոէնթերոլոգին, ով կօգնի արագ և արդյունավետ վերացնել տվյալ խնդիրը: 

Լյարդ և դեղամիջոցներ

Վոլգոգրադիգիտնականները պարզել են, որ լյարդի ճարպակալումը նշանակալիորեն  փոխում է որոշ դեղամիջոցների քայքայման արագությունը: Դա «սրտային» հիվանդներին կարող է տհաճ անակնկալներ մատուցել: Հնարավոր են սրտի ռիթմի խանգարում, արյունահոսություն և զարկերակային արյան ճնշման նվազում: Բարեբախտաբար, այդ վիճակը շտկել հնարավոր է: Եթե լյարդի վիճակը կարգավորվի, ապա կվերականգնվի նաև դեղորայքի հանդեպ սովորական ռեակցիան: Բժիշկները կոչ են անում մարմնի ավելորդ քաշ ունեցող և հիպերտոնիայով մարդկանց  հետազոտություններ անցնել լյարդի վիճակն ստուգելու համար: Եթե բժիշկը լյարդի ճարպակալման նշաններ հայտնաբերի, ապա պետք է բուժման կուրս անցնել: Այն ներառում է առողջ ցածրկալորիական սննդակարգ` մրգերով ու բանջարեղենով, ալկոհոլից լրիվ հրաժարում և վիտամինների ու հեպատոպրոտեկտորների ընդունում: 

Հարցեր, պատասխաններ, մեկնաբանություններ